ایکسپورٹ کلکٹریٹ نے پیاز کے کنسائمنٹس فوری طور پر روک دیئے

کراچی (اسٹاف رپورٹر) پاکستان کسٹمز نے پیاز کے ایکسپورٹ کنسائمنٹس کو حکومتی فیصلے کے بعد فوری طور پر روک دیا ہے۔ ایکسپورٹ کلکٹریٹ نے اس سلسلے میں PICT کو احکامات جاری کردیئے ہیں۔ PICT کو جاری کردہ احکامات کے مطابق حکومتی فیصلے کے بعد پیاز کی ایکسپورٹ فوری طور پر روک دی گئی ہے۔ لہذا کسی بھی پیاز کے کنسائمنٹس کی لوڈنگ نہ کی جائے۔ واضح رہے کہ ملک میں پیاز کی قیمتوں کو مناسب سطح پر برقرار رکھنے کے لئے اقتصادی رابطہ کمیٹی نے ملک سے پیاز کی برآمد پر فی الفور پابندی عائد کردی ہے، تاہم پیاز کے برآمد کنندگان نے مشیر تجارت عبدالرازق دا¶د سے اپیل کی ہے کہ اس فیصلے پر نظر ثانی کی جائے۔