ایف بی آر کی تبادلہ کئے جانے والے 31 کسٹمز افسران کو تنبیہ

کراچی (اسٹاف رپورٹر) فیڈرل بورڈ آف ریونیو نے اس بات کا سختی سے نوٹس لیا ہے کہ جن کسٹمز افسران کے تبادلے ہوگئے ہیں وہ کئی دن گزر جانے کے باوجود پوسٹنگ کی جگہ جوائننگ نہیں دے رہے۔ ایف بی آر نے 31 کسٹمز افسران کو ہدایت کی ہے کہ وہ فوری طور پر اپنی نئی تعیناتی کی جگہ پر جوائننگ دیں۔ ایف بی آر نے یہ بھی ہدایت کی ہے کہ وہ اب موجودہ جگہ پر کام نہیں کرسکتے اور فوری طور پر ان کو ریویو کردیا گیا ہے۔ یاد رہے کہ ایف بی آر نے 18 اگست کو گریڈ 18 اور 19 کے 64 کسٹمز افسران کے تبادلے کئے تھے مگر ایک ہفتہ گزر جانے کے باوجود یہ افسران جوائننگ نہیں دے رہے ہیں۔