پارسل کے ذریعے منشیات اسمگل کرنے کی کوشش

کراچی (اسٹاف رپورٹر)پارسل کے ذریعے کی جانے والی منشیات کی اسمگلنگ کو ناکام بنادیاگیا، کلکٹر کسٹمز جناح انٹرنیشنل ائیرپورٹ کراچی عدیم خان کو خفیہ اطلاع موصول ہوئی کہ پارسل کے ذریعے ممنوعہ منشیات پاکستان اسمگل کرنے کی کوشش کی جائیگی ،اس خفیہ اطلاع پر کلکٹر ائرپورٹ عدیم خان نے اسسٹنٹ کلکٹر کسٹمز ائرپورٹ شرجیل وسان کو فوری طور پر ممکنہ اسمگلنگ کے تدارک کے لئے ہدایت جاری کیں اسسٹنٹ کلکٹر شرجیل وسان نے کراچی میں تمام کارگو ہینڈلنگ پوائنٹس کی نگرانی کی نگرانی میں خصوصی ٹیمیں تشکیل دی گئیں جنھوں نے بیرون ملک سے آنے والے تمام پارسلز کی کڑی نگرانی کی اور مشکوک پارسلز کی جانچ پڑتال کی جس کے نتیجہ میں انٹرنیشنل میل آفس پر تعینات کسٹمز کے عملے نے امریکہ سے کراچی پہنچنے والے پارسل کو شک کی بنیاد پر اسکینگ کی گئی اور پارسل کے مشکوک ہونے پر کھول کر پارسل کی جانچ پڑتال کی جس کے نتیجہ میں پارسل میں منشیات کی نشاندی ہوئی جانچ پڑتال کے بعد انکشاف ہواکہ پارسل سے پانچ کلوسے زائد چرس برآمدہوئی جس کی مالیت دوکروڑ22لاکھ بتائی گئی ہے۔محکمہ کسٹمزنے نارکوٹکس ایکٹ کے تحت مقدمہ درج کرلیاہے