کسٹمزانٹیلی جنس کراچی، چھ ماہ میں6 ارب سے زائد مالیت کی اسمگل اشیاءضبط کیں
کراچی(اسٹاف رپورٹر)ڈائریکٹوریٹ آف کسٹمزانٹیلی جنس کراچی نے جولائی2023تا دسمبر2023کے دوران چھ ارب روپے سے زائد مالیت کی اسمگل اشیاءضبط کیں۔۔تفصیلات کے مطابق ڈائریکٹرکسٹمزانٹیلی جنس کراچی انجینئرحبیب احمدنے انسداداسمگلنگ کی مہم جاری رکھتے ہوئے ایڈیشنل ڈائریکٹرافضل وٹوکی سربراہی میںڈپٹی ڈائریکٹرواصف ملک ،سپرنٹنڈنٹ ارشادشاہ اوردیگرافسران واہلکاروں پرمشتمل ٹیم نے جولائی2023تا دسمبر2023کے دوران سیکڑوں کارروائیوں کے دوران چھ ارب 70لاکھ مالیت کی اسمگل اشیاءضبط کیں۔دستاویزات کے مطابق کسٹمزانٹیلی جنس کراچی نے زیرتبصرہ مدت کے دوران2ارب ایک کروڑ90لاکھ کے آٹوپارٹس،83کروڑ80لاکھ مالیت کی 47اسمگل شدہ گاڑیاں،44کروڑ80لاکھ مالیت کا 89کلوگرام کپڑا،54کروڑ10لاکھ مالیت کی اسمگلنگ میں استعمال ہونے والی گاڑیاں،37کروڑ10لاکھ مالیت کی الیکٹرونکس اشیائ،34کروڑ40لاکھ مالیت کی2لاکھ60ہزارکلوگرام چھالیہ،17کروڑ10لاکھ مالیت کے سگریٹس،15کروڑ90لاکھ مالیت کے پلاسٹک شاپر،12کروڑ60لاکھ مالیت کا خشک دودھ،7کروڑ70لاکھ مالیت کی کاسمیٹکس اشیائ،7کروڑ60لاکھ مالیت کی پلاسٹک اشیا،6کروڑ50لاکھ مالیت کے ویپس،پانچ کروڑ20لاکھ مالیت کا ایرانی ڈیزل،3کروڑ90لاکھ مالیت کاخشک میوہ،2کروڑ50لاکھ مالیت کی کراکری،2کروڑ40لاکھ مالیت کے سیگار،2کروڑمالیت کاانڈین گٹکا،ایک کروڑ80لاکھ مالیت کے موبائل فونز،ایک کروڑ50لاکھ مالیت کے ٹائرزٹیوب،ایک کروڑ10لاکھ مالیت کا اجینوموتواور56کروڑ 80لاکھ مالیت کی متفرق اشیاءضبط کیں۔
