کسٹمزایجنٹس ایسوسی ایشنزکی چیئرمین شپنگ ایسوسی ایشن کے الزامات کی مذمت

کراچی(اسٹاف رپورٹر)آل پاکستان کسٹمزایجنٹس ایسوسی ایشن کے چیئرمین مقبول احمدملک اورکراچی کسٹمزایجنٹس ایسوسی ایشن کے صدرارشدخورشیدنے چیئرمین آل پاکستان شپنگ ایسوسی ایشن عاصم صدیقی کے بے بنیادالزامات کی مذمت کرتے ہوئے کہاہے کہ عاصم صدیقی نے کسٹمز ایجنٹس کی طرف سے اپنی مطلوبہ رعایتوں میں غبن اور بددیانتی کا الزام لگایاجوکہ بے بنیادہیں۔ایجنٹس ایسوسی ایشن نے شپنگ ایسوسی ایشن کے چیئرمین کی جانب سے لگائے جانے والے الزامات کی تردید کرتے ہوئے اس بات پر زور دیتا ہے کہ درآمد کنندگان اور برآمد کنندگان کے ساتھ مالی لین دین بینکنگ چینلز اور پے آرڈرز کے ذریعے شفاف طریقے سے کی جاتی ہے جبکہ کسٹمز ایجنٹس نے شپنگ انڈسٹری کے اندر بے ضابطگیوں اور اوور چارجنگ کے طریقوں کو بے نقاب کرنے میں مستقل طور پر ایک اہم کردار ادا کیا ہے، جو مختلف شعبوں کی طرف سے اچھی طرح سے دستاویزی اور تسلیم شدہ ہیں۔ انہوںنے کہاکہ شپنگ ایسوسی ایشن کی جانب سے بے بنیاد الزامات لگا کر نہ صرف کسٹمز ایجنٹس کی ساکھ کو مجروح کرتا ہے بلکہ اصل مسائل سے بھی توجہ ہٹائی گئی ہے۔ یہ واضح ہے کہ شپنگ کمپنیاں ایسے طریقوں میں مشغول ہیں جو تجارتی ماحول کو بری طرح متاثر کرتی ہیں اور ملک کی معیشت پر مالی بوجھ ڈال رہی ہے۔انہوں نے کہاکہ قانون سازی اور ضابطہ اخلاق کی عدم موجودگی نے شپنگ کمپنیوں کوبے لگام کردیاہے جس کی وجہ سے شپنگ کمپنیاں اپنی مرضی کے بے تحاشہ جارجزوصول کررہیں ہیں جس میں ٹرمینل ہینڈلنگ چارجز سمیت دیگرغیرضروری فیسوں نے پورے تجارتی شعبے کو ایک طویل مدت کے لیے پریشان کر رکھا ہے۔ خاص طور پر تشویش کی بات یہ ہے کہ ٹرمینل آپریٹرز کی طرف سے اسی طرح کے چارجز کا اعادہ، درآمد کنندگان اور برآمد کنندگان پر مالی دباو¿ بڑھتا ہے۔انہوں کے کہاکہ ایسوسی ایشن شپنگ کمپنیوں کے من مانی طریقوں کو روکنے اور منصفانہ اور شفاف تجارتی ماحول کو یقینی بنانے کے لیے ایک جامع ریگولیٹری فریم ورک کے قیام کیاجائے۔ایسوسی ایشن کا مطالبہ ہے کہ اے پی ایس اے کی جانب سے لگائے گئے الزام کو ثابت کیا جائے اور ثبوت فراہم کیے جائیں بصورت دیگر انہیں اس غیر اخلاقی فعل کے لیے معافی مانگنی ہوگی۔