ہونڈا پاکستان نے مارچ 2023 کے دوران کار کی پیداوار بند کردی
کراچی(اسٹاف رپورٹر) ہونڈا اٹلس کار پاکستان لمیٹڈ نے درآمدی پابندیوں کی وجہ سے مارچ 2023 کے مہینے کے دوران کار کی پیداوار روک دی ہے۔کمپنی نے کہا کہ وہ اپنی پیداوار جاری رکھنے کی پوزیشن میں نہیں ہے اور بالآخر اسے اپنا پلانٹ 09 مارچ 2023 سے 31 مارچ 2023 تک بند کرنا پڑے گا۔پاکستان کی موجودہ معاشی صورتحال کو مدنظر رکھتے ہوئے جہاں حکومت نے سی کے ڈی کٹس، خام مال کی درآمد کے لیے ایل سی کھولنے اور غیر ملکی ادائیگیوں کو روکنے سمیت سخت اقدامات کا سہارا لیا، ایسے اقدامات سے کمپنی کی سپلائی چین بھی بری طرح متاثر ہوئی ہے۔پاکستان اسٹاک ایکسچینج کو جمع کرائے گئے غیر متفقہ مالیاتی نتائج کے مطابق،ہینڈاٹلس نے 31 دسمبر 2022 کو ختم ہونے والی نو ماہ کی مدت کے لیے ایک ارب10کروڑروپے کے بعد ٹیکس منافع کا اعلان کیا جو کہ گزشتہ سال کی اسی مدت کے دوران دوارب20کروڑ روپے تھاجس میں 52 فیصد کی کمی ہوئی ہے۔کمپنی نے 31 دسمبر 2022 کو ختم ہونے والی نو ماہ کی مدت کے لیے فی حصص آمدنی 7.59روپے پر ظاہر کی جب کہ گزشتہ سال کی اسی مدت کے دوران 16.20 روپے تھی جس میں 53 فیصد کی کمی ہوئی۔کمپنی نے 31 دسمبر 2022 کو ختم ہونے والے نو مہینوں کے لیے چارارب 30کروڑروپے کا مجموعی منافع ریکارڈ کیا جو پچھلے سال کی اسی مدت کے دوران چارارب20کروڑ روپے تھا۔کمپنی کے مجموعی منافع میں 2.4 فیصد اضافہ ہوا کیونکہ فروخت کی لاگت گزشتہ سال کی اسی مدت میں 73.1 بلین روپے کے مقابلے کم ہو کر 68.4 بلین روپے رہ گئی۔ہونڈا اٹلس کا قبل از ٹیکس منافع 31 فیصد کم ہو کر 2.4 بلین روپے ہو گیا جو 31 دسمبر 2022 کو ختم ہونے والے نو مہینوں میں گزشتہ سال کی اسی مدت میں 3.5 بلین روپے تھا۔مزید برآں، گندھارا نسان نے بھی 06 مارچ 2023 سے 10 مارچ 2023 تک اپنا پروڈکشن پلانٹ بند کرنے کا اعلان کیا ہے۔کمپنی اور اس کے وینڈرز کو خام مال کی درآمد اور کمرشل بینکوں سے اپنی کنسائنمنٹس کی کلیئرنس حاصل کرنے میں بڑی رکاوٹوں کا سامنا کرنا پڑتا ہے۔ اس سے پوری سپلائی چین میں خلل پڑا ہے اور دکاندار کمپنی کو خام مال اور اجزاءفراہم کرنے سے قاصر ہیں۔
