موبائل فونز درآمد؛ پی ٹی اے کلیئرنس سرٹیفکیٹ لازمی قرار

کراچی (اسٹاف رپورٹر) وفاقی حکومت نے موبائل فونزکی درآمد کے لیے پی ٹی اے کا کلیئرنس سرٹیفکیٹ لازمی قراردیدیاآئندہ صرف پی ٹی اے کی منظور کردہ اقسام کے موبائل فون سیٹ درآمد کیے جا سکیں گے جس کے لئے وزارت تجارت کی جانب سے امپورٹ پالیسی آرڈر 2016 میں ترمیم کردی گئی۔وزارت تجارت کی جانب سے جاری نوٹیفکیشن کے ذریعے امپورٹ پالیسی آرڈر کے شق بی میں ترمیم کرتے ہوئے کہا گیا کہ آئندہ صرف پی ٹی اے کی منظورکردہ اقسام کے موبائل فون درآمد کیے جاسکیں گے اور درآمد کنندگان کو پی ٹی اے کی جانب سے ڈی آئی آربی ایس سسٹم کے ذریعے وائٹ لسٹ سے میچ کرنے اور موبائل فونزکی درست جی ایس ایم اے آئی ایم ای آئی نمبر یقینی بنانے کے بعد جاری کیا جانے والا کلیئرنس سرٹیفکیٹ فراہم کرنا ہوگا۔جبکہ اس بارے میں ایف بی آرحکام کاکہناہے کہ وزارت تجارت کی جانب سے امپورٹ پالیسی آرڈرمیں ترمیم کے بعد کسٹمز ڈپارٹمنٹ ایف بی آرکی جانب سے مختلف برانڈز کے 186اقسام کے موبائل فون پر ڈیوٹی ٹیکسوں کی وصولی کے لئے مقرر کردہ 42 سے430 ڈالر فی موبائل فون سیٹ تک کی درآمدی ویلیو کے مطابق کسٹمز ڈیوٹی و دیگر ٹیکس وصول کریگی۔