نیشنل بینک پر ایک کروڑ 64 لاکھ روپے جرمانہ

کراچی (اسٹاف رپورٹر) اسٹیٹ بینک نے قوانین کی خلاف ورزی پر نیشنل بینک آف پاکستان پر ایک کروڑ 46 لاکھ سے زائد کا جرمانہ عائد کردیا ہے۔ اسٹیٹ بینک نے یہ جرمانہ موجودہ سال کی پہلی سہ ماہی (جنوری تا مارچ) 2023 کے دوران عائد کیا ہے۔ مرکزی بینک کے مطابق یہ جرمانہ قواعد و ضوابط کی خلاف ورزی پر عائد کیا گیا ہے۔ واضح رہے کہ نیشنل بینک گزشتہ سال کی پہلی سہ ماہی میں ان خلاف ورزی کی وجہ سے دو کروڑ 17 لاکھ تک کا جرمانہ ادا کرچکا ہے۔ اسٹیٹ بینک نے جولائی 2019ءسے باقاعدہ طور پر بینکوں پر عائد جرمانوں کی تفصیلات شائع کرنا شروع کیا ہے تاکہ بینکوں میں قوانین کی تعمیل کو یقینی بنایا جائے۔